Trist dødsfall under NM janitsjar
Kultursjef Tommy Jensen (45) frå Maura i Nannestad kommune fekk hjartestans under NM janitsjar i Trondheim sist helg. Han deltok i NM janitsjar som slagverkar for Nannestad janitsjarkorps.
– NMF uttrykker vår djupaste medkjensle med dei pårørande i sorga, seier generalsekretær Karl Ole Midtbø. Det blir gravferd frå Bjerke kirke i Maura tysdag 31. mars.
NMF vil vere til stades i gravferda ved president Rita Hirsum Lystad og forbundsstyremedlem Jørgen Foss.
– Vårt korps Nannestad janitsjarkorps spelte sin konkurranse fredag. Laurdag var vi på plass i Olavshallen for å høyre på dei andre korpsa i konkurransen. Vi hadde akkurat høyrt Hadeland janitsjar, og gjekk rundt for å sjå på instrumentutstillinga då Tommy fall om, fortel sambuar Aina Solberg til Hadeland.no
Jensen var lidenskapleg opptatt av musikk.
Nekrolog over Tommy Jensen frå skulekorpsa i Nannestad.
– I februar gjekk han av som leiar i skulekorpset. Der har han vore leiar i nær ti år. Det var musikk omtrent kvar kveld, og han spelte også i band. Vi har deltatt på janitsjar-NM i Trondheim i fleire år, og har alltid hatt det veldig morsomt, fortel sambuaren til Adressa.no.
Leiar i Hadeland: Vi kjenner ikke morgendagen. Livet er nå.
Jensen etterlet seg sambuar og to born.
– Dette er vemodig og svært trist. Vi vil uttrykke vår djupaste medkjensle i sorga, seier generalsekretær i NMF Karl Ole Midtbø.