Medalje for lang og tru teneste i NMF
Nasjonal produsent i Norges Musikkorps Forbund, Berit Handegard fekk tysdag kveld medalje for lang og tru teneste i NMF. Dette er ei anerkjenning til arbeidstakarar med minst 30 år hos same arbeidsgjevar. Det er arbeidsgjevar som søkjer om medaljen. Medaljen blir tildelt av Det Kongelige Selskap for Norges Vel.
Utdelinga skjedde på fagseminar i Riga tysdag kveld. Generalsekretær Karl Ole Midtbø delte ut medaljen og gav Handegard gode ord for fantastisk innsats i organisasjonen i 30 år.
Fekk medalje: Utdelinga skjedde under NMFs fagseminar i august 2016. Foto: Birgit Berg-Olsen/NMF
Handegard har vore NMFs internasjonale representant i ei årrekke. Ho har vore generalsekretær i EBBA (European Brass Band Association), initiativtakar til organisasjonen European Championships for Wind Orchestras Association (ECWO) der ho er president. Dermed har Handegard vore med å opna for at janitsjarorkester også har fått sitt europamesterskap. (Det fyrste gjekk av stabelen i Nederland i mai 2016.) Seinast i år har ho gitt klarinettistane over heile landet sjansen til å delta på KlarinettBuffet – eit nyoppretta tilbod arrangert i fem byar i Norge.
Berit har dessutan vore sentral i tallause festivaler og held no hand om NMFs 100-års jubileum i 2018.
Ho styrte NM for skulekorps, NM for brassband og NM for solistar og ensemble i mange og, og er framleis sentral i NMFs NM-arrangement. Ho var og er sentral i samarbeidet med Ungdommens Musikkmesterskap (UMM) og ho er bindeleddet til Kongens Gardes musikkorps. Berit Handegard begynte å spele klarinett i Byåsen skoles musikkorps som 10-åring og har i løpet av åra spelt i Nesttun Hop Musikklag, Fana Musikklag og no i Midtun Pavillion orkester. Ho er utdanna kulturvitar.
