NMF i audiens på slottet
I dag, torsdag 16. mars har Norges Musikkorps Forbund vore på audiens på Slottet hos HKH Kronprins Haakon. Kronprins Haakon Magnus er NMFs høge beskyttar. Generalsekretær, president og visepresident fekk tjue minutter med kronprinsen.
Bodskapen var Musikkorpsenes år og NMF 100 år i 2018. Dei fortalde om aktiviteten i korpsrørsla, samarbeidet NMF har med Field Band Foundation og Fredskorpset i Sør-Afrika. Kronprinsen fekk også høyre om inkluderingsarbeidet som blir gjort i Norge og etablering av Kulturalliansen. I tillegg fekk han også høyre om arbeidet som blir gjort med rammevilkår for korps.
– Vi håpar Kronprinsen vil vere til stades ved eit eller fleire arrangement i 2018, seier president Rita Hirsum Lystad som takkar for ein hyggeleg samtale med Kronprinsen.