Siddis Brass er Norges største underhaldningskonkurranse for brassband. Ved sidan av NM brass i Bergen, er Siddis Brass det viktigste arrangementet for norske brass band.

Rekordpåmelding

Denne helga møtest nærast alle brass-entusiastar i Stavanger. Heile 61 korps fordelt på fem divisjonar har meldt seg på årets Siddis. Dette er ny rekord i talet på deltakarar. Det heile skjer i Stavanger konserthus fyrstkomande laurdag.

Heile konkurranse blir  streama live på TV 2 Sumo frå alle divisjonane med Morten Hansen som ekspert-kommentator.

SBB er arrangør

Stavanger Brass Band som har vunne Siddis dei tre siste åra, er arrangør for konkurransen. Dei gler seg til å presentere det nyskrivne programet av Simon Dobson. Denne gong basert på den tysk-amerkanske skodespelaren og songaren Marlene Dietrich.

Les omtale av programmet

Stavanger Brass Band inviterer til festkonsert på kvelden med solistane Russell Gray (kornett) og Eirik Gjerdevik (tuba). Under dirigent Allan Withington presenterer artistane underhaldningsprogrammet sitt. Det er ei strålande oppvarming til premieutdelinga og festen etterpå, skriv Siddis på nettsida.

Tre korps i toppen

Sidan 1988 har tre korps dominert fyrsteplassen i eliten. Dei tre er, ikkje overraskande, Eikanger-Bjørsvik Musikklag (vunne 14 gongar), Stavanger Brass Band (7 gongar) og Manger Musikklag (5 gongar). Berre Sandefjord Brass Symposium har brote rekkja av dei tre mestvinnande korpsa. I 1996 gjekk dei til topps i konkurransen, men i år deltek ikkje Sandefjord Brass Symposium.