Eikanger-Bjørsvik er Europameister 2017
Stooor stoor glede! Eikanger-Bjørsvik Musikklag er Europameister 2017. Dette har dei venta på i 28 år. Dei tok gullet med 193 poeng. (95 på pliktnummer og 98 på sjølvvald nummer) framfor sveitsiske Valaisia . Cory Band frå Wales kom på ein 3. plass med 191 poeng, same poengsum som Valaisia.
Sjå fullstendig resultat på 4barsrest.
– Så stas!
– Dette var heilt utruleg, såååå stas, seier Reid Gilje EBML sin faste dirigent. Han og alle dei andre i korpset jubla lenge og vel etter at resultatet vart lest opp. Mange klarde ikkje å snakke, dei berre klemde på kvarandre, og jubla igjen.
EBML jublar som vinnar av EBBC. Foto: Ian Glowes.
Høg kvalitet
– Framføringa av både pliktnummer og sjølvvald nummer var av ypperste kvalitet. Dei spelte Fraternity av Thierre Deleruyelle også i NM, med ein flott framførelse då. Å prøve å gjenskape det, er veldig vanskeleg. Men i dag leverer dei så flott på scena, seier Gilje.
Og dommarane var heilt samde og gav korpset heile 98 poeng for dagens prestasjon.
Vil vere tema i heile Europa
– Eikanger-Bjørsvik sine to framførelsar vil bli snakka om dei neste dagane, i heile Europa, overalt, sa styreleiar Stig Ryland i sin helsingstale til medlemmene.
Korpset har vunne fleire 2. og 3. plassar i EM, men har ikkje tatt gullet sidan 1989. Sigeren i Oostende i Belgia er difor ekstra fortent.
Ny dirigent
Mykje av æra får dirigent Ingar Bergby. Han har skap tryggheit i korpset og musikarane er motiverte for oppgåva dei skal framføre. Bergby dirigerte dei også til NM-sigeren i år.
Ingar Bergby dirigerte Eikanger-Bjørsvik Musiklag til Europameister. Foto: Olga Wergeland/NMF
Fantastisk oppleving
For mangeårige medlem og mister Eikanger-Bjørsvik «himselfe», Viggo Bjørge var det ekstra godt å gå heilt til topps. Han klarte ikkje å halde tårene tilbake.
Viggo Bjørge klemmer og gret. Han er EBML «himselfe» og veldig stolt over korpset sitt. Foto: Olga Wergeland/NMF.
Vi GRATULERER!!!!
Eit folkehav møtte fram på Flesland då korpset landa søndag ettermiddag. Avinor heidra musikantane med ein vatn-boge, som flyet køyrde gjennom då det landa.
