NM skolekorps står for døra
NM skolekorps janitsjar, NM skolekorps brass og NM korpsdrill 2017 er like rundt hjørnet. Fleire korps skal framføre nytt repertoar. Eit korps spelar eit stykke skrive av ein musikant i korpset, medan andre korps deltek i NM for fyrste gong.
Mange skulekorps frå nord til sør øver i desse dagar intenst fram mot NM skolekorps brass og janitsjar og NM korpsdrill til helga. Kvart år deltek fleire tusen musikantar og drillarar i NM. NM skjer både i Larvik og Stavanger og er eit av årets høgdepunkt for både utøvarar, foreldre, instruktørar og dirigentar.
I Stavanger deltek 37 brasskorps fordelt på fire divisjonar til konkurranse i Stavanger Konserthus laurdag 24. juni. Korpsa kjem hovudsakleg frå dei to vestlandsfylka Hordaland og Rogaland.
Nytt verk av eigen slagverkar
Minde Skoles Musikkorps frå Hordaland spelar i 2. divisjon brass. Dei har hyra sin eigen slagverkar Fredrik Ertvaag til å skrive eit nytt verk, «Concerto Grosso».
– Stykket er ganske spesielt for eit skulekorps, med uvanlege klangar og teknikkar for musikantane, noko som har gjort det spennande, lærerikt, utfordrande og litt skummelt å jobbe med, både for musikantar og dirigent. Kanskje det også vil være litt uvant for publikum, spør korpset.
Fredrik Ertvaag går på musikklinja på Bergen Private Gymnas og avsluttar i skulekorpset dette året. Han er slagverkar i Eikanger-Bjørsvik Musikklag og skriv musikk på fritida. Han er ekstra glad i klangar og rytmer som korpset vanlegvis ikkje spelar.
Berit M. Skorpen er dirigent for korspet.
Unikt samarbeid
I Stavanger er det eit unikt samarbeid over fylkesgrensene på Vestlandet. Floraskulen Brass Band og Kampen Skolekorps frå høvesvis Flora i Sogn og Fjordane og Stavangar i Rogaland speler saman i 2.divison. Dei spelte saman for fyrste gong i fjor. Bakgrunnen er at dei ramla over kvarandre på ein skulekorpsfestival i Italia i 2015.
I NM skolekorps brass i år er det oppretta ein 4. divisjon og tre av korpsa er NM-debutantar. Det er Etne Skulekorps, Tåsen Skolekorps og Mellomkorpset til Tasta Skolekorps.
SBB spelar festkonsert
Som vanleg er det festkonsert laurdag kveld. I år spelar Stavanger Brass Band. Dei er eit av Norges beste brassband og skal representere Norge i EM brass saman med europameister Eikanger-Bjørsvik Musikklag neste år.
Larvik – janitsjarkorps og korpsdrill
I Larvik møtest 31 janitsjarkorps fordelt på tre divisjonar laurdag 24. juni. Konkurransen er i Kulturhuset Bølgen og Sliperiet.
Urframfører bestillingsverk
Fjorårsvinnar i 1. divisjon, Midtun Skoles Musikkorps urframfører bestillingsverk i NM av Fredrick Schjelderup «Sollicitus». Sollicitus er latin og betyr uroleg. Det er sentralt for stykket sin karakter og form.
– Det var stas å få kunne gjere eit stykke utan for mange føringar, seier Schjelderup. Stykket inneheld ulike delar basert rundt eit «fanfare»-motiv, som blir presentert fleire gongar. Motivet endrar karakter, form, tonalitet, rytmikk og spenning undervegs, noko som triggar det urolege i musikken.
Fredrik er slagverkar i Eikanger-Bjørsvik musikklag og også dirigent. Han skal ikkje til Larvik å høyre på Midtun, men dirigere mellomkorpset til Ytrebygda i Kongeparken søndag. På konkurransedagen skal dei heie på hovudkorpset fram.
Dirigent er Christian Breistein.
Nok eit bestillingsverk
Bøverbru/Eina Skolekorps 3.divisjon framfører bestillingsverk av David Hveem, «Spenning». Det er eit musikkstykke i fire delar, med nokre gjennomgåande tema. Komponisten har tatt utgangspunkt i ulike innfalsvinklar til ordet spenning. Dei to fyrste er melodisk og harmoniske, med dissonansar og er litt mystisk. Tredje del er meir musikk mot filmmusikk der stykket til slutt landar i ein open og fin del for å runde av.
David Hveem er ferdig med 3. året på musikkpedagogikk på Norges Musikkhøgskole. Han er hovudsakleg utøvar, men komponerer, arrangerer og dirigerer også. I tillegg sit han i NMFs forbundstyre.
Dirigent for Opplandskorpset er Ola Fredheim Haug.
NM korpsdrill
Fredag til søndag er det NM korpsdrill med 500 drillarar som er klare for konkurranse. Drillkonkurransen føregår i Arena Larvik. Søndag kveld er det avslutningsseremoni i Boligmappa Arena Larvik med premieutdeling og EM-uttak for Majorettes og uttak til VM i Twirling på Lillehammer 2018. #korps2018
Garden, klarinettsolo og drillsolist
Laurdag kveld er det festkonsert og premieutdeling i Boligmappa Arena Larvik med HMK Gardes musikkorps, Felix Peikli, klarinettsolist og årets Europameister i drill, Mathias Langseth Eliassen.
LYKKE TIL ALLE SOM SKAL DELTA!!!
