Altakorps opnar konferanse på Hell
Tverrelvdal skolekorps frå Alta har fått æra av å opne Hellsymposiene 2015.
Symposiene og Ungdomskonferansen som pågår samtidig på Hell starter fredag og er landets største korpskonferanse.
– Det er stort at vi får opne konferansen, fortel dirigent Jan Viggo Thuve Øwre til avisa Altaposten. Han skal halde foredrag på konferansen om det å vere spelande dirigent.
Sju musikantar + dirigent
Tverrelvdal skolekorps består av berre sju medlemmer og manglar tubaspelar. Difor steppar dirigenten også inn på tuba.
Heime i Alta er 15 aspirantar klare til å begynne i korpset. Dalingane er etterkvart blitt kjent som eit dyktig skulekorps. Oppdraget på Hell er nok det siste med berre sju musikantar og den spelande tubadirigenten.
Sommarfuglar i magen
– Vi er litt spente men gler oss, både til turen og til framføringane, seier dirigenten til avisa.
Korpset fekk invitasjon frå dagleg leiar i NMF Trøndelag etter ein konsert i nord-norsk mesterskap 2013 der dei gjekk av med sigeren.
Dyktige ungdomar
Leiar i korpset Einar Dahl er reiseleiar og seier korpset har fått mykje merksemd dei siste åra fordi dei er så dyktige.
– Det er veldig gledeleg.
På Hell skal framføre musikk som varer i 15 minutt og dei skal delta både på Ungdomskonferansen og symposiene.
